سام برس
قال الرئيس المصري عبدالفتاح السيسي ، أن الدولة المصرية تحتاج إلى موازنة "تريليون دولار"، من أجل توفير الإنفاق المطلوب، متابعا: "إحنا دولة عددنا عاوز تريليون دولار موازنة.. الموجود منه 3 تريليون جنيه.. 14 تريليون جنيه يتجبوا منين.. مش هيتجبوا.. يحصل انهيار وضغط على المرافق بأسلوب الإدارة.. لما نزهق نطلع نهدها.. ومحدش يطلع يقول الناس بقت مهجرين والبيوت خربت.. والناس تترمى في البحار.. البلد مبتطلعش كده.. بتطلع بالمتابعة الدقيقة والإصرار والعناد.. محدش هيعيا من الجدية والهم لأن ربنا هيحميك.. اللى يهتم بالناس ربنا ميحمهوش؟ لا.. هيحميه ويحافظ عليه ويقويه طول ما انت بتجرى على الناس.
جاء ذلك خلال كلمته في افتتاح مشروعات جديدة بالصعيد قائلاً : "التسعير.. طب ما كامل الوزير يشيلها أو رئيس الوزراء يشيلها.. انا عاوز يوم القيامة ربنا يشيلنى كل حاجة عملتها.. علشان كده بقول دلوقتى.. بنحط أسس لدولة جديدة كما نتمنى ونأمل..
طب ليه مش جبنا كام حادثة في السكة الحديد وتعليقات الناس ايه.. ونخلى وزير النقل لا مؤاخذة والحكومة.. وشوفوا عاملين ايه.. المسئولية مشتركة.. احنا عاوزين نجرى مع بعض.. غير كده مش هينفع..
قطاع النقل وصل إلى 1.7 تريليون جنيه.. يعنى 1700 مليار جنيه.. بقول الكلام ده للمصريين علشان محدش وهو بيكلمكوا يقولكم السكة الحديد تعبانة ليه؟.. أصل الحكومة مكنتش كويسة.. لا.
وقال السيسي : كامل يقولى التذكرة بجنيه يقولى أزودها؟ أقوله متزودهاش، ليه يا كامل؟ مبيقولش ليه؟.. خايف.. حتى لو كانت البلد تخرب علشان الكرسى يقعد هو ويخرب فيها ويخليها بلد كُهن.. سكة حديد تعبانة وطرق تعبانة وموانئ تعبانة كله تعبان.. مش فكرة إرادة.. الناس كانت عارفة كويس العلاج كان عاوز فلوس وتقدر ترجعها.
المصدر: اليوم السابع
